主页 > 生活小知识 >Pun’s冰室。乾炒牛河四步曲食谱＠Pun’s >
Pun’s冰室。乾炒牛河四步曲食谱＠Pun’s
2020-06-08
粥、粉、麵、饭被形容为「4大发明」，但今次唔讲粥，就讲排第2嘅粉，仲要係好多朋友都食过嘅河粉-干炒牛河！
干炒牛河有段故
是咁的，传説乾炒牛河係喺广州附近出现。有一晚，因为档口嘅豆粉用完，咁啱有位来自军队嘅头目买湿炒牛河做宵夜，厨师因为无豆粉，做唔到芡而唔肯炒河（厨师对亲手煮嘅食物都总会有份执着），就係呢份执着，搅到头目嬲嬲猪，攞枪要胁，人急生智，就谂到不如乾炒啦！点知！头目食完后，讚不绝口，就係一碟乾炒牛河，厨师同佢一家先保得住命仔咋！就係咁！呢位厨师成为广州第一间卖乾炒牛河嘅食肆。
唔知故仔真定假，但係就始终觉得乾炒牛河真係香口啲。
材料:
牛肉—————————–120g
河粉—————————–400g银芽—————————–40g
韭黄—————————–适量
葱 —————————–适量
牛肉腌料：
生抽—————————–2茶匙
蚝油—————————–2茶匙
生抽—————————–1茶匙
糖 —————————–半茶匙
麻油—————————–少许
鸡粉—————————–少许
调味料：
生抽—————————–2汤匙
老抽—————————–2汤匙
糖 —————————–1.5茶匙
鸡粉—————————–1茶匙
做法：
1.牛肉腌20分钟
（茶记多数入平货，自己食可以买牛柳，牛冧肉比较嫩，而肥牛够香但会太油。）
2.河粉唔想炒到一旧旧，最好用手分开一条条备用。（此步骤为「摷粉」）
3.起镬，落油，放牛肉炒到啱啱熟备用。
4.将镬烧红后，落少许油，将河粉、银芽、韭黄猛火快炒，再落生抽、老抽、糖、鸡粉同葱，用慢火继续炒至河粉每条平均都有老抽颜色，即可～
btw，炒得够学问…
窍门：
1.镬要够红！炒出嚟先有镬气
2.河粉粗幼厚薄有致！再用手分开一条条！
3.调味随意！
4.河粉乾炒时炒到焦香！
5.仲有，唔好急，最紧要快，快炒牛肉先可以保持鲜嫩 ！
